NOVAS DATAS, NOVA XIRA, NOVO DISCO…E NOVA FORMACIÓN

En decembro comezamos a gravación de varios temas (algún, unha revisión con con dous colaboradores ben especiais) en Bonham Estudios e en abril arrancan os concertos!

Hoxe publicamos a imaxe do novo disco e un adianto das próximas catro datas. Estade atentas ás redes e á axenda desta web para a actualización da venda de anticipadas e da venda do propio disco 🙂

Virán máis datas, máis bandas amigas e máis ganas de música!

Unha novidade de cara aos seguintes concertos é a marcha de Paco e a incorporación de Gonzalo Grela, un guitarrista e amigo dende hai moitos anos que xa coñecedes de Machina e Broa. Benvido, Gonzalo!